အကြောင်းအရာ။      ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာ ကော်မတီအား ဖွဲ့စည်းတာဝန်ပေးအပ်ခြင်း

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီကို ( ၄ – ၄ – ၂၀၁၉ )ရက်နေ့တွင် ကျင်းပပြုလုပ်သည့် ဒုတိယအကြိမ် ကယားပြည်နယ်လွှတ်တော် (၁၃)ကြိမ် မြောက် ပုံမှန်အစည်းအဝေး (ဒုတိယနေ့)တွင် အတည်ပြုချက်အရ ဖွဲ့စည်းခဲ့ပါသည်-

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ သက်တမ်း၊ တာဝန်၊ လုပ်ပိုင်ခွင့်၊ ရပိုင်ခွင့်နှင့် အခွင့်အရေးများ

ကော်မတီ၏သက်တမ်း

၁။ ကော်မတီ၏သက်တမ်းကို စတင်ဖွဲ့စည်းသည့်နေ့မှစ၍ တစ်နှစ်သတ်မှတ်သည်။ ကော်မတီဝင်များ၏ သက်တမ်း(၁)နှစ် ပြည့်မြောက်သည့်အခါ ပြည်နယ်လွှတ်တော်ဥက္ကဋ္ဌသည် ပြန်လည်သုံးသပ်ပြီး လိုအပ်ပါက သင့်လျော်သလို လဲလှယ်အစားထိုး တာဝန်ပေးအပ်နိုင်သည်။ ကော်မတီဝင်တစ်ဦးဦးသည် အကြောင်းတစ်ခုခုကြောင့် နှုတ်ထွက်ခြင်း၊ ကော်မတီဝင်ထပ်မံ ဖြည့်တင်းခြင်းများကို ပြည်နယ်လွှတ်တော်နည်းဥပဒေများပါ ပြဋ္ဌာန်းချက်များနှင့်အညီ လွှတ်တော်အတည်ပြုချက် ရယူဆောင်ရွက်ရမည်။

ကော်မတီ၏ တာဝန်များ

၂။ ကော်မတီသည် ပြည်နယ်၏တည်ငြိမ်အေးချမ်းသာယာရေး၊ တရားဥပဒေစိုးမိုးရေးနှင့် စပ်လျဉ်းသည့် ဖြစ်ပွားလာနိုင်ခြေရှိ ကိစ္စရပ်များကို စောင့်ကြည့်လေ့လာအကဲဖြတ်ခြင်းနှင့် သက်ဆိုင်ရာထံသို့ အစီရင်ခံတင်ပြခြင်း၊

၃။ ကော်မတီသည် ပြည်နယ်၏ တည်ငြိမ်အေးချမ်းသာယာရေး၊ တရားဥပဒေစိုးမိုးရေးနှင့် စပ်လျဉ်း၍ ထိခိုက်စေသည့် ကိစ္စရပ်များကို ကွင်းဆင်းလေ့လာစစ်ဆေးခြင်း၊ သက်ဆိုင်ရာ များကို အစီရင်ခံ ခြင်းနှင့် ချိတ်ဆက်လုပ်ဆောင်ခြင်း၊

၄။ ကော်မတီသည် “ဖွဲ့စည်းပုံအခြေခံ ဥပဒေပုဒ်မ ၂၁ (ဂ) ပြည်သူတို့၏ အေးချမ်းသာယာရေး နှင့် တရားဥပဒေစိုးမိုးရေးသည် နိုင်ငံသားတိုင်း၏ တာဝန်ဖြစ်သည်။” ဟူသည့် ဥပဒေပါ ပြဋ္ဌာန်း ချက်အား နိုင်ငံသားတိုင်း ပါဝင်ဆောင်ရွက်နိုင်ရေးကို ဦးတည်ရမည်၊

၅။ ကော်မတီသည် နိုင်ငံတော်၏ အများပြည်သူအေးချမ်းသာယာရေးနှင့် တရားဥပဒေစိုးမိုးရေး လုပ်ငန်းစဉ်များတွင် ပူးပေါင်းပါဝင် ဆောင်ရွက်ခြင်း၊

၆။ ကော်မတီသည် ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးကို အလေးထားဆောင်ရွက်ရမည်၊

၇။ ကော်မတီသည် ပြည်နယ်အတွင်း အေးချမ်းသာယာရေးနှင့် တရားဥပဒေစိုးမိုးရေး ဖြစ်ပေါ် တိုးတက်မှု၊ ဆုတ်ယုတ်မှုများကို စောင့်ကြည့်လေ့လာမှတ်တမ်းတင်ခြင်း၊ သက်ဆိုင်ရာသို့ ပုံမှန် အစီရင်ခံခြင်း ပြုလုပ်ဆောင်ရွက်ရမည်။

ကော်မတီ၏ လုပ်ပိုင်ခွင့်များ

၈။ ကော်မတီသည် ပြည်နယ်၏ တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးကို ထိခိုက်စေသည့် မည်သည့်ကိစ္စကိုမဆို သက်ဆိုင်သည့် အဖွဲ့၊ ဌာန၊ လူပုဂ္ဂိုလ်အား စုံစမ်းမေးမြန်း ခွင့်နှင့် သက်ဆိုင်ရာသို့ အစီရင်ခံခွင့်ရှိသည်။

၉။ ကော်မတီသည် ပြည်နယ်လွှတ်တော်ဥက္ကဋ္ဌ၏ သဘောတူညီချက်နှင့်အညီ ပြည်နယ် အေးချမ်းသာယာရေးနှင့် တရားဥပဒေစိုးမိုးရေးအတွက် လူမှုအသင်းအဖွဲ့များ၊ ဌာနဆိုင်ရာများ၊ လူပုဂ္ဂိုလ်များတို့နှင့် ပူးပေါင်းဆောင်ရွက်ခြင်းနှင့် ချိတ်ဆက်လုပ်ဆောင်ခြင်းများ ပြုနိုင်သည်။

၁၀။ ကော်မတီသည် ပြည်နယ်၏ တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးကို ထိခိုက်နိုင်သည်ဟု ယူဆ၍သော်လည်းကောင်း သို့မဟုတ် ထိခိုက်နေသည်ဟုယူဆလျှင် မူလ အေးချမ်းသာယာရေးနှင့် တရားဥပဒေစိုးမိုးရေးအတွက် လိုအပ်လျှင် ပြည်နယ်လွှတ်တော် ဥက္ကဋ္ဌ၏ ခွင့်ပြုချက်နှင့်အညီ ယင်းဖြစ်ရပ်တွင်ပါဝင်ဆက်နွယ်သူများ၊ သက်ဆိုင်သူများနှင့် ကြားဝင်စေ့စပ် ညှိနှိုင်းအဖြေရှာခြင်း၊ ပေါင်းစပ်ညှိနှိုင်းပေးခြင်း ပြုနိုင်သည်။

၁၁။ ကော်မတီသည် လုပ်ငန်းနှင့်သက်ဆိုင်သည့်စာရွက်စာတမ်းများ၊ သတင်းအချက် အလက် များကို လုံခြုံစွာထိန်းသိမ်းရန်နှင့် အများပြည်သူသိရှိရန်လိုအပ်ပါက ကော်မတီ၏ ဆုံးဖြတ်ချက် နှင့်အညီ ပြည်နယ်လွှတ်တော်ဥက္ကဋ္ဌအားတင်ပြ၍ လွှတ်တော်ဥက္ကဋ္ဌ၏ ခွင့်ပြုချက်နှင့်အညီ ထုတ်ပြန် နိုင်သည်။

၁၂။ ကော်မတီသည် ပြည်နယ်၏ တည်ငြိမ်အေးချမ်းသာယာရေးနှင့် တရားဥပဒေစိုးမိုးရေး လုပ်ငန်းများလုပ်ဆောင်နိုင်ရန်အတွက် လိုအပ်ပါက သက်ဆိုင်သည့်အသင်းအဖွဲ့၊ ဌာန၊ လူပုဂ္ဂိုလ် အား ကော်မတီအစည်းအဝေးသို့ တက်ရောက်ရန် ဖိတ်ကြားနိုင်သည်။

ကော်မတီ၏ ရပိုင်ခွင့်နှင့်အခွင့်အရေးများ

၁၃။    ကော်မတီ၏ ရပိုင်ခွင့်နှင့်အခွင့်အရေးများမှာ အောက်ပါအတိုင်းဖြစ်ပါသည် –

(က) အဖွဲ့ဝင်များသည် ကော်မတီလုပ်ငန်းတာဝန်ကို ဆောင်ရွက်ရန်ဖြစ်စေ၊ ကော်မတီ အစည်းအဝေးတက်ရောက်ရန်ဖြစ်စေ၊ ကော်မတီရုံးစိုက်ရာဒေသတွင် ရောက်ရှိနေစဉ်၌ လည်း ကောင်း၊ တာဝန်အရ ခရီးသွားလာရာ၌လည်းကောင်း၊ ပြည်နယ်အစိုးရအဖွဲ့က သတ်မှတ် သည့် ရပိုင်ခွင့်များကို ခံစားခွင့်ရှိမည်၊ ကော်မတီဝင်/အဖွဲ့ဝင်များသည် ကော်မတီ/အဖွဲ့၏ လုပ်ငန်း တာဝန်များကို ဆောင်ရွက် ရန်ဖြစ်စေ၊ ကော်မတီ/အဖွဲ့အစည်းအဝေး တက်ရောက်ရန်ဖြစ်စေ၊ ကော်မတီ/အဖွဲ့ ရုံးစိုက်ရာဒေသတွင် ရောက်ရှိနေစဉ်၌လည်းကောင်း၊ တာဝန်အရ ခရီးသွား လာရာ၌လည်းကောင်း၊ ပြည်နယ်လွှတ်တော်ကိုယ်စားလှယ်များအတွက် သတ်မှတ် ထားသော နှုန်းထားများ အတိုင်း စရိတ်ခံစားခွင့်၊ ခရီးစရိတ်ခံစားခွင့်များ ရရှိစေရမည်၊

(ခ) အဖွဲ့အစည်းအဝေးများတွင် တင်ပြဆွေးနွေးချက်များနှင့် စပ်လျဉ်း၍တိုင်းဒေသကြီး သို့မဟုတ် ပြည်နယ်လွှတ်တော်ဆိုင်ရာဥပဒေမှအပ အခြားဥပဒေအရ အရေးယူခံရခြင်းမှ ကင်းလွတ်ခွင့်ရှိသည်၊

(ဂ ) အဖွဲ့အစည်းအဝေး တက်ရောက်နေစဉ်အတွင်း သက်ဆိုင်ရာအဖွဲ့အစည်း၏ အကြီးအမှူးမှ တဆင့် ပြည်နယ်လွှတ်တော်ဥက္ကဋ္ဌ၏ ကြိုတင်ခွင့်ပြုချက်မရရှိပါက ဖမ်းဆီးခံရခြင်းမှ ကင်းလွတ်ခွင့်ရှိသည်၊

(ဃ) ပြစ်မှုတစ်ရပ်ရပ်ဖြင့် ဖမ်းဆီးခြင်းခံရပါက ပြစ်ဒဏ်စီရင်ခြင်းမခံရမီ ပြည်နယ် လွှတ်တော်ဥက္ကဋ္ဌ၏ခွင့်ပြုချက်ဖြင့် အဖွဲ့အစည်းအဝေးများကို တက်ရောက်ခွင့် ရှိသည်။

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)

ပြည်နယ်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးဆိုင်ရာကော်မတီ၏ ကိုယ်ရေးမှတ်တမ်းပုံစံ(အကျဉ်း)